Semana contra a violencia de xénero

 

Dende hai trinta e seis anos vénse celebrando o 25 de novembro o Día Internacional contra a Violencia de Xénero.

Daquela marcouse esa data no calendario porque se entendeu que era necesario  para visibilizar un problema existente e para loitar contra a violencia e a desigualdade.

Hoxe, lonxe de mellorar a situación, por desgraza,cada día escoitamos unha noticia que fala de vitimas da violencia de xénero. En España  o número destas é maior que as do terrorismo de ETA.

En Chantada, en contra do que se puidera pensar, tamén hai denuncias contra indeseables que non queren a ninguén e que provocan danos irreversibles nas familias.E hai moitos feitos silenciados, agachados.

os casos de violencia son moitos , graves e, cada vez aparecen en idades máis temperás con actuacións que, ás veces, non se saben interpretar axeitadamente pero que xa conteñen o xerme da violencia. Mirade un dos vídeos que gravaran hai anos uns alumnos e alumnas do noso instituto porque o exemplifica moi ben.

Na Biblioteca do Lama das Quendas, temos o noso recuncho Contra a Violencia de Xénero con libros que , sendo ficción, nos axudan a desprezar a violencia e a intentar que , dunha vez por todas, os seres humanos vivamos como iguais. Porque o somos!